കന്യക…
രചന: സിയാദ് ചിലങ്ക
::::::::::::::::::::::::
തൃശ്ശൂര്‍ ജില്ലയിലെ ഏറ്റവും പേരെടുത്ത ഹോസ്പിറ്റലില്‍ തന്നെയാണ് ഹരി ഭാര്യയെ പ്രവവത്തിന് ചേര്‍ത്തിയത്. ഹോസ്പിറ്റലിൻ്റെ പേരും പ്രശസ്ഥിയും അറിഞ്ഞ് മറ്റു ജില്ലകളില്‍ നിന്നുമെല്ലാം ജനങ്ങള്‍ അവിടേക്ക് ഒഴുകിയെത്താറുണ്ട്.
അത് കൊണ്ട് എപ്പോഴും നല്ല തിരക്കായിരിക്കും. റൂം ലഭിക്കുവാനെല്ലാം വളരെ ബുദ്ധിമുട്ടാണ്.
പ്രസവം രണ്ടോ മൂന്നോ ദിവസത്തിനുള്ളില്‍ ഉണ്ടാകും.വണ്ടിയില്‍ നിന്ന് സാധനങ്ങള്‍ മുറിയില്‍ കൊണ്ട് വെച്ചു,ഭാര്യയ്ക്ക് കൂട്ടി നായി അവളുടെ അമ്മയും ഉണ്ട്.
അവരുടെ കൂടെ കുറച്ച് നേരം ഇരുന്നതിന് ശേഷം ഹരി പുറത്തേക്ക് പോകാൻ ഒരുങ്ങി.
”ഞാന്‍ പുറത്ത് ഉണ്ടാകും…എന്തെങ്കിലും ആവശ്യം ഉണ്ടെങ്കില്‍ ഫോണ്‍ ചെയ്താ മതീട്ടാ…”
”ശരി ഏട്ടാ….”
അവളുടെ കണ്ണുകൾ ക്ഷീണം കൊണ്ട് മെല്ലെ മയക്കത്തിലേക്ക് വീണ്ടു.
ഹരി പാര്‍ക്കിംഗില്‍ ചെന്ന് കാറ് തുറന്നു ഡേഷില്‍ നിന്ന് സി ഗര റ്റ് പേക്കറ്റ് എടുത്ത് ഒരെണ്ണം തിരി കൊളുത്തി ചുണ്ടത്ത് വെച്ചു.
പുറത്ത് മൂടി കെട്ടിയ അന്തരീക്ഷം ,മഴ പെയ്യാൻ സാധ്യത ഉണ്ട്.അവന് സി ഗരറ്റ് കുറ്റി കാലിനടിയിൽ ഇട്ട് ഞെരിച്ചു.
ആശുപത്രിയിലെ പുതിയ പണി കഴിപ്പിച്ച ബ്ലോക്കിലേക്ക് കയറി.സ്കാനിംഗും വിവിധതരം ടെസ്റ്റുകളും മറ്റും നടക്കുന്ന ബ്ലോക്ക് ആയത് കൊണ്ട് മുഴുവന്‍ ശീതീകരിച്ചിരുന്നു.
അവൻ അവിടെ വരുകയും പോവുകയും ചെയ്യുന്ന ഓരോ സ്ത്രീകളെയും വീക്ഷിച്ച് അവിടെ ഇരുന്നു.
ഹരിക്ക് “പെണ്ണ് “എന്നും ല ഹ രിയാണ്,അവന്റെ വിവാഹ ശേഷവും ആ ചാപല്ല്യം കൂടി എന്നല്ലാതെ മാറ്റമൊന്നും സംഭവിച്ചില്ല.
എപ്പോഴും എവിടെയും അവന് ആ ഒരു ചിന്തയിലാണ്.അവന്റെ കണ്ണുകള്‍ക്ക് വല്ലാത്ത ഒരു വശീകരണ ശക്തിയാണ്.
അവന്റെ നോട്ടം കൊണ്ട് പല സത്രീകളും അവന് വഴങ്ങി കൊടുത്തിട്ടുണ്ട്.അങ്ങനെ സ്വന്തമാക്കുന്നവളുടെ ചൂ ട് അവന് ആസ്വദിച്ച് കഴിഞ്ഞാൽ, അടുത്ത സ്ത്രീ ശരീരത്തിന് വേണ്ടിയുള്ള തയ്യാറെടുപ്പ് തുടങ്ങി കഴിഞ്ഞിരിക്കും.
അവൻ റിസപ്ഷനിലിരിക്കുന്ന യുവതിയുടെ ശ്രദ്ധ തന്നിലേക്ക് ആകർഷിപ്പിക്കാൻ ശ്രമം നടത്തി കൊണ്ടിരിക്കുമ്പോഴണ്.ഒരു ഇരുപത് വയസ്സ് തോന്നിക്കുന്ന ഒരു പെണ്‍ കുട്ടി അവന് അഭിമുഖമായി വന്ന് ഇരുന്നത്.
പഴക്കം ചെന്ന നിറം മങ്ങിയ ഒരു ചുരിദാറാണ് അവള്‍ ധരിച്ചിരിക്കുന്നത്.എങ്കിലും അവളുടെ സൗന്ദര്യത്തിന് മുന്നിൽ ആ വസ്ത്രത്തിൻ്റെ പോരായ്മ മറഞ്ഞ് നില്‍ക്കുന്നു.
വലിയ കൃഷ്ണമണികളോട് കൂടി വിടര്‍ന്ന കണ്ണുകള്‍,നീണ്ട മൂക്ക്,ചുവന്ന് തുടുത്ത പവിഴ ചുണ്ടുകള്‍ നെറ്റിയിലേക്കും രണ്ട് ചെവികളിലൂടെയും വീണ് കിക്കുന്ന ചുരുണ്ട മുടിയിഴകൾ.
വെളുത്ത കൈകളില്‍ പച്ച നിറത്തില്‍ ചെറിയ രോമങ്ങള്‍…..ഇത്രയും സൗന്ദര്യമുള്ള ഒരു പെണ്ണിനെ ഇത് വരെ കണ്ടിട്ടില്ല എന്ന് മനസ്സില്‍ പറഞ്ഞ് ഇമ വെട്ടാതെ ഹരി അവളെ തന്നെ നോക്കി ഇരുന്നു.
അവള്‍ താഴോട്ട് നോക്കി എന്തോ ചിന്തിച്ച് ഇരിക്കുകയാണ്. അവളുടെ അരികിലെ കസേര ഒഴിവായപ്പോൾ, പെട്ടെന്ന് തന്നെ ഹരി എഴുന്നേറ്റ് അവളുടെ അരികിലേക്ക് ചെന്നിരുന്നു.
” എവിടാ വീട് ”
അവള്‍ അവനെ മുഖം ഉയര്‍ത്തി നോക്കി… അവൾ മറുപടി പറയാതിരുന്നത് കണ്ട്, അവൻ വിട്ട് കൊടുത്തില്ല…
” കണ്ടിട്ട് നല്ല പരിജയം നോന്നുന്നു, എവിടാ സ്ഥലം?”
” പാലക്കാട് ”
എന്താ ……. ആര്‍ക്കാ അസുഖം?
അവള്‍ കുറച്ച് നേരം മൗനമായി ഇരുന്നു…..
”അച്ഛനെയും കൊണ്ട് വന്നതാ…”
അവന് വിടാന്‍ ഭാവമില്ല,
അവള്‍ അവന്റെ മുഖത്തേക്ക് നോക്കി…..ഹരി അവളുടെ ശരീരത്തിലേക്ക് അവന്റെ കണ്ണുകള്‍ കൊണ്ട് ഒന്ന് തലോടി.
അച്ഛന് എങ്ങനെയുണ്ട്‌?…
അവൾ വിദൂരതയിലേക്ക് നോക്കി കൊണ്ട് പറഞ്ഞു.
” അച്ഛൻ്റെ അസുഖം എല്ലാം മാറി… ഇനി വീട്ടിലേക്ക് തിരിച്ച് പോകണം… “
“ഡിസ്ചാർജിന് വേണ്ടി വെയിറ്റ് ചെയ്യുകയായിരിക്കും അല്ലെ. ഇവിടെ പെട്ടെന്ന് ഒന്നും വീട്ടിലേക്ക് വിടില്ല വൈകിട്ട് ആവും ഡിസ്ചാർജ് കിട്ടാൻ..”
അവൾ മെല്ലെ ഒന്ന് മൂളുക മാത്രം ചെയ്തു…
ഹരി അവൻ്റെ പണി തുടങ്ങി കഴിഞ്ഞിരുന്നു..
“ഞാന്‍ ഒരു സുഹൃത്തിനെ ചെക്കപ്പിന് കൊണ്ട് വന്നതാ അത് കഴിയുമ്പോള്‍ വൈകീട്ടാകും…പത്ത് മണി അല്ലെ ആയിട്ടുള്ളു………..വൈകിട്ട് ആകുന്നത് വരെ ഇവിടെ ഇരിക്കണം…….വിരോദമില്ലെങ്കില്‍ നമുക്ക് ഒരുമിച്ച് ഒന്ന് പുറത്ത് കറങ്ങിയാലൊ….?…..
” മ്..മ്…ശരി.. “
ഹരിക്ക് വിശ്വസിക്കാൻ കഴിയുന്നുണ്ടായില്ല. ഇത്രയും ചെറുപ്പക്കാരിയായ പെൺകുട്ടി തൻ്റെ ഒരൊറ്റ ചോദ്യത്തിൽ സമ്മതിക്കുമെന്ന് കരുതിയില്ല,അവന് സന്തോഷം കൊണ്ട് ഒന്ന് തുള്ളിച്ചാടാന്‍ തോന്നി.
അവള്‍ കാറില്‍ കയറി ഇരുന്നു അപ്പോള്‍ തന്നെ ശക്തിയായ മഴ പെയ്തു.
“ശ്ശൊ …. പേര് ചോദിക്കാൻ വിട്ട് പോയി.. എൻ്റെ പേര് ഹരി… കുട്ടിയുടെ പേര്?.
“ജലജ.. “
പെട്ടെന്ന് തന്നെ ജലജ എല്ലാത്തിനും സഹകരിക്കുന്നത് കണ്ട ഹരി അവസരം മുതലെടുത്തു…
” ഞാന്‍ അടുത്തുള്ള മുന്‍സിപ്പല്‍ പാര്‍ക്കില്‍ പോയി ഇരിക്കാമെന്നാ കരുതിയത്…….ഭയങ്കര മഴ…….നമുക്ക് അടുത്ത് ഒരു ഹോട്ടല്‍ ഉണ്ട് അവിടെ പോയി ഇരുന്ന് സംസാരിക്കാം അവിടെ ആകുമ്പോൾ ആരുടെയും ശല്യവും ഉണ്ടാവില്ല….”
”മ്….മ്…….”
ഹരിക്ക് വിശ്വസിക്കാന്‍ സാധിച്ചില്ല എന്ത് വേഗമാണ് ഇവള്‍ എനിക്ക് വഴങ്ങുന്നത്….സ്വപ്നം കാണുന്നത് പോലെ തോന്നി അവന്.
കാറ് ഹോസ്പിലിന് അടുത്ത് തന്നെ ഉള്ള സ്റ്റാര്‍ ഹോട്ടലില്‍ പാര്‍ക്ക് ചെയ്തു.
ഹരി റുമെടുത്തു അവളെയും കൂട്ടി അകത്ത് കടന്നു.ഒരുപാട് സ്ത്രീകള്‍ ജീവിതത്തിലൂടെ കടന്ന് പോയിട്ടുണ്ടെങ്കിലും ജലജ ഒരു അൽഭുതമായി അവന് തോന്നി..
വാതില്‍ അടച്ച ഉടനെ അവന് അവളെ വാരി പുണര്‍ന്നു. ഒരു പ്രത്യേക സുഗന്ധം അവള്‍ക്ക്.
” ചേട്ടാ…എനിക്ക് ഒന്ന് കുളിക്കണം ”…,
“ഓക്കെ…. ഡൺ… കുളിച്ച് സുന്ദരിയായി വരു…
അവള്‍ വേഗം ബാത്റൂമില്‍ കയറി……അവന് ഫോണ്‍ ഓഫ് ചെയ്തു വെച്ചു……
കുളിച്ച് വന്ന അവളെ കണ്ട് അവന് നിയന്ത്രണം വിട്ടു……അവളെ മെത്തയിലേക്ക് കോരി എടുത്ത് കിടത്തി……
അവളുടെ ശ രീരത്തില്‍ നിന്ന് വി ട്ടെഴുന്നേറ്റപ്പോള്‍ അവന് മനസ്സിലായി…..ആദ്യമായി ആണ് ഒരു പുരുഷന് അ വളെ സമര്‍പ്പിച്ചത് എന്ന്.
അവള്‍ തന്നെ പുല്‍കിയത് മറ്റുള്ളവരെ പോലെ വെറും കാ മ ത്തിനല്ല എന്നും അവൻ തിരിച്ചറിഞ്ഞു..
അവന് ഒരു സി ഗററ്റ് കൊളുത്തി
” നീ എന്നെ വല്ലാതെ അത്ഭുതപ്പെടുത്തുന്നു… ഞാൻ ആരാണെന്നൊ എന്താണെന്നൊ നിനക്കറിയില്ല…..എന്നിട്ടും നിന്റെ വിലപ്പട്ടതെല്ലാം നീ എനിക്ക് നല്‍കി……ഇതിന് പകരം നിനക്ക് ഞാന്‍ എന്താ തരേണ്ടത്…..?”
” എനിക്ക് നിങ്ങള്‍ ഒരു ഉപകാരം ചെയ്യുമോ…? ഹോസ്പിറ്റലില്‍ ഒരു ബില്ലടക്കാന്‍ പറ്റുമോ?”
”തീര്‍ച്ചയായും…… അതിനെന്താ”
ഹോട്ടൽ റൂം വൊക്കേറ്റ് ചെയ്തു..അവളെയും കൂട്ടി ഹോസ്പിറ്റലിലെ ക്യാശ് കൗണ്ടറിലേക്ക് ചെന്നു.
പേഴ്സില്‍ നിന്ന് എ.ടി.എം കാര്‍ഡ് കൊടുത്തു. അയ്യായിരം രൂപ എക്കൗണ്ടിൽ നിന്ന് കട്ടായി…
അവർ കൊടുത്ത ബില്ല് വാങ്ങി അവൾ വേഗത്തില്‍ അവിടെ നിന്ന് നടന്നു പോയി…ഹരി പിന്നില്‍ നിന്ന് വിളിച്ചെങ്കിലും അവള്‍ കെട്ടില്ല….അവള്‍ അത്ര വേഗത്തില്‍ അവിടെ നിന്ന് മറഞ്ഞു.റിസപ്ഷനിലെ സിസ്റ്റര്‍മാര്‍ പറയുന്നത് കേട്ട് ഹരി സ്തംഭിച്ച് പോയി…
”പാവം കുട്ടി അച്ചനെയും കൊണ്ട് വന്നതാ….ഇന്നലെ രാത്രി ആ കുട്ടിടെ അച്ചന്‍ മരിച്ചു…….. ആ കുട്ടി ഇന്നലെ മുഴുവന്‍ കരയുകയായിരുന്നു… പാവം സഹായിക്കാന്‍ പോലും ആരും ഉണ്ടായില്ല…… മോൻ ചെയ്തത് വലിയ പുണ്യമുള്ള കാര്യമാ..മോനെ ദൈവം അനുഗ്രഹിക്കും”
അവന് കുറച്ച് നേരം അവിടെ തന്നെ ഇരുന്ന് പോയി….മനസ്സിന് വല്ലാത്ത ഭാരം.
പെട്ടെന്ന് ഭാര്യയുടെ കാര്യം ഓര്‍മ്മ വന്നു.ഫോണ്‍ എടുത്തു സ്വിച്ച് ഓണ്‍ ചെയ്തു.അപ്പോള്‍ തന്നെ കോള്‍ വന്നു അമ്മയാണ്.
”നീ എവിടെ ആണ് എപ്പൊ തുടങ്ങി നിന്നെ വിളിക്കുകയാ.. മോളെ ലേബർ റൂമിലേക്ക് കയറ്റി… വേഗം വാ.. മോനെ….”
”ഞാന്‍ ഇവിടെ ഉണ്ട് അമ്മെ ഇപ്പോൾ വരാം….”
ഹരി അവിടെ എത്തിയ ഉടനെ തന്നെ പ്രസവം കഴിഞ്ഞിരുന്നു…നേഴ്സ് കുഞ്ഞിനെയും കൊണ്ട് വാതിൽ തുറന്നു.കുഞ്ഞിനെ അവർ അവൻ്റെ കൈകളില്‍ കൊടുത്തു…
”പെൺകുട്ടിയാണ്…”
ഹരി തന്റെ കുഞ്ഞിന്റെ മുഖത്തേക്ക് നോക്കി,അവന്റെ കണ്ണിൽ കണ്ണുനീർ തെളിയുന്നുണ്ടായിരുന്നു…. ജലജയുടെ മുഖം അവൻ്റെ മനസ്സിലേക്ക് ഒരു വിങ്ങലോടെ ഓടിയെത്തി..
ഹരി ഒരു പെൺകുട്ടിയുടെ അച്ഛനായി… “
