ബാഹുബലി പുറത്തിറങ്ങിയതുമുതൽ അനുഷ്ക ഷെട്ടിയുടെയും പ്രഭാസിന്റെയും ബന്ധത്തെക്കുറിച്ചുള്ള വാർത്തകൾ സോഷ്യൽ മീഡിയയിൽ വ്യാപകമായി പ്രചരിച്ചിരുന്നു. ഇരുവരും ഉടൻ വിവാഹിതരാകുമെന്ന അഭ്യൂഹങ്ങളും ഉണ്ടായിരുന്നു.
എന്നാൽ, ബാഹുബലി ദമ്പതികളെക്കുറിച്ചുള്ള പുതിയ റിപ്പോർട്ട് അവരുടെ ആരാധകരുടെ മനസ്സിനെ വിഷമിപ്പിക്കുന്നതാണ്.
റിപ്പബ്ലിക് വേൾഡിന്റെ റിപ്പോർട്ട് പറയുന്നത് അനുഷ്ക ഷെട്ടി പ്രഭാസിനെയല്ല വിവാഹം കഴിക്കുന്നത്, മറിച്ച് ഒരു ഇന്ത്യൻ ക്രിക്കറ്റ് താരത്തെ ആണെന്നാണ്. ക്രിക്കറ്റ് താരത്തിന്റെ പേര് ഇതുവരെ വെളിപ്പെടുത്തിയിട്ടില്ലെങ്കിലും, റിപ്പോർട്ടുകൾ വിശ്വസിക്കപ്പെടുന്നുണ്ടെങ്കിൽ, അവർ ഇതിനകം ക്രിക്കറ്റ് താരവുമായി വിവാഹനിശ്ചയം നടത്തിയെന്നും പറയുന്നു. ഇതിനെക്കുറിച്ച് ഔദ്യോഗിക സ്ഥിരീകരണം ഇനിയും വന്നിട്ടില്ല. അനുഷ്കയുടെ ഭർത്താവ് ആകുന്നത് ഉത്തരേന്ത്യയിൽ നിന്നുള്ളയാളാണെന്ന് പറയപ്പെടുന്നു.
നേരത്തെ മിററിന് നൽകിയ അഭിമുഖത്തിൽ പ്രഭാസ് പറഞ്ഞിരുന്നത്, “അനുഷ്കയും ഞാനും വളരെ നല്ല സുഹൃത്തുക്കളാണ്, എന്നാൽ കൂടുതൽ എന്തെങ്കിലും ഉണ്ടെങ്കിൽ, കഴിഞ്ഞ രണ്ട് വർഷത്തിനിടെ ആരെങ്കിലും ഞങ്ങളെ ഒരുമിച്ച് കാണുമായിരുന്നില്ലേ?” എന്നാണ്.
അനുഷ്ക ഷെട്ടിയുടെ പുതിയ ചിത്രം നിശബ്ദം ആണ്. ആർ മാധവൻ നായകനായി അഭിനയിക്കുന്ന നിഷബ്ദം സംവിധാനം ചെയ്യുന്നത് ഹേമന്ത് മധുകർ. 2020 ഏപ്രിൽ 2 ന് ചിത്രം റിലീസ് ചെയ്യും.
