അലീന യെ അങ്ങനെ പെട്ടന്ന് പറഞ്ഞു വിടാതെ പറ്റിയാൽ അവളെയും കൊണ്ടൊന്നു ചുറ്റിയടിക്കണം രമേശൻ മനസിൽ പ്ലാൻ ചെയ്തു…

ഭാര്യയുടെ കുറവുകൾ ~ രചന: Uma S Narayanan

“”നിനക്കൊന്ന് പോയി തരാമോ എനിക്കൊന്നു സുഖമായി ജീവിക്കാനാ “”

“”ഏട്ടൻ എന്തായി പറയുന്നത് ഞാൻ എവിടെ പോവാനാ “

“”ഉള്ളത് മുഴുവൻ വെട്ടിവിഴുങ്ങും ഇരിക്കണത് കണ്ടില്ലേ വീപ്പ മാതിരി ഒരു സ്ഥലത്തേക്ക് കൊണ്ടു പോകാൻ പറ്റില്ല എവിടെ പോയാലും തീൻ മേശയിൽ കയറി ഇരിക്കും പരിസരബോധമില്ലാതെ തിന്നു പോരും എന്നാ നീ നന്നാവാ പോരാത്തതിന് ഒന്ന് പെറ്റപ്പോൾ വയറു കാണാൻ തന്നെ കൊള്ളില്ല തടിച്ചു തൂങ്ങി വരവീണ് സാരി ഉടുത്ത അറിയാം എല്ലാം പുറത്തു””

“”ഏട്ടൻ എന്തെക്കെയാ ഈ പറയുന്നത് കല്യാണസമയത്തു അത്യാവശ്യം തടി ഉണ്ടായിരുന്നല്ലോ അന്നൊന്നും പറയാത്ത ആൾക്ക് ഇപ്പോൾ പറയാൻ കാരണം “

“”പോടീ അസത്തെ തർക്കുത്തരം പറയാതെ മുന്നിൽ നിന്ന്.””

“”ഏട്ടാ പതുക്കെ മോള് കേൾക്കും””

“”കേട്ടാൽ എന്താ ഉള്ളതല്ലേ പറഞ്ഞത് “”

അവൾ പൊട്ടി കരഞ്ഞു…

“”നിന്റെ പൂങ്കണ്ണീർ എന്റെ അടുത്ത് വേണ്ട “”

“”ഏട്ടന് പണം വന്നപ്പോൾ സ്‌നേഹബന്ധങ്ങൾ മറന്നു എന്റെ വീട്ടിൽ പോലും എന്നെ പറഞ്ഞയക്കില്ല ഒരു നല്ല ഡ്രസ്സ്‌ വാങ്ങി തരില്ല “”,

“”മൂന്നു നേരം തിന്നാൻ തരുന്നില്ലേ അതു പോരെ നിന്റെ അച്ഛൻ സമ്പാദിച്ച കാശൊന്നുമല്ലല്ലോ “”

“”ഏട്ടാ “”

“”നിനക്കു എന്താ വീട്ടിൽ പണി രാവിലെ എന്തെകിലും വച്ചുണ്ടാക്കുക ബാക്കി സമയം മൊബൈൽ കളിച്ചു ഇരിക്കല് എന്നെങ്കിലും ഒരിക്കൽ കാണാം നിന്റെ ഫോട്ടോ വാട്സപ്പിൽ അന്നു നിന്നെ ഞാൻ കൊല്ലും പറഞ്ഞോക്കാം “”

രമേശൻ കലി തുള്ളികൊണ്ട് പുറത്തേക്കു പോയി സുധ കിടക്കയിൽ കിടന്നു പൊട്ടി കരഞ്ഞു.. സ്വാതിമോൾ അടുത്ത് വന്നു ചോദിച്ചു

“”എന്തു പറ്റി അമ്മേ എന്തിനാ അച്ഛൻ വഴക്ക് പറഞ്ഞത്””

“” നിന്റെ അച്ഛനു ഇപ്പോൾ നമ്മളെ വേണ്ട അച്ഛന് സുഖിക്കണം പോലും മോള് കുത്തിയിരുന്ന് പഠിച്ചോ അതൊന്നും കേട്ടില്ല വച്ചാൽ മതി””

സ്വാതി ഏഴാംക്ലാസിലാണ് പഠിക്കുന്നത്

സുധ ആലോചിച്ചു രമേശേട്ടൻ ഇപ്പോൾ എന്റെ അടുത്ത് കിടക്കാറില്ല പുറത്തു ടീവി മുന്നിൽ കിടക്കും എന്തായിരിക്കാം ഈ അകൽച്ചക്കു കാരണം ഇത് കണ്ടുപിടിച്ചിട്ട് തന്നെ വേറെ കാര്യമുള്ളൂ തന്റെ തടി കാരണം ഒന്നുകൊണ്ടു മാത്രം ഇങ്ങനെ ഭാര്യയോട് സ്നേഹം വേണ്ട വെക്കുമോ.. ഇനിയിപ്പോൾ വേറെ ആരെങ്കിലും മനസിൽ കേറി കൂടിയോ ഇപ്പോൾ ഫേസ്ബുക് കാലം ആണാല്ലോ വല്ല പെണ്ണുമായി ചുറ്റിക്കളി ഉണ്ടാവുമോ അതോ ബാങ്കിൽ കൂടെ ജോലി ചെയുന്ന ആരേലും വീഴ്ത്തിയോ എന്നാലൊന്ന് അതു കണ്ടു പിടിച്ചെ കാര്യമുള്ളൂ….അവൾ ഫേസ്ബുക് തുറന്നു രമേശന്റെ ഐഡി നോക്കി അതിൽ മുഴുവൻ സുന്ദരി പെണ്ണുങ്ങൾ മാത്രം ഉള്ളൂ ഫ്രണ്ട് ആയി.. അപ്പൊ അതാവും കാരണം..അവളൊരു സുന്ദരി പെണ്ണിന്റെ ഫോട്ടോ ഇട്ടു ഫേക്ക് ഐഡി എടുത്തു രമേശന് റിക്വസ്റ്റ് അയച്ചു ഉടനെ തന്നെ റിക്വസ്റ്റ് എടുത്തതായി നോട്ടിഫിക്കേഷൻ കിട്ടി കുറച്ചു കഴിഞ്ഞു ഇൻബൊക്സ്ൽ ഒരു “”ഹായ് “”എടുക്കണോ അതോ വേണ്ടയോ അവൾ ഒന്നാലോചിച്ചു “”ഹായ് “”തിരിച്ചു കൊടുത്തു

“”ഹായ് ഞാൻ രമേശ്‌ അലീന നല്ല പേരാണ് കേട്ടോ””

“”താങ്ക്സ് “”

“”എവിടെ നാട് “”

“കൊല്ലം “”

“”എന്താ ചെയുന്നു…

പ്രൈവറ്റ് സ്കൂളിൽ ടീച്ചർ ആണ്””

“”ആഹാ ഞാൻ ബാങ്കിൽ ആണ്. മിസ്സ്‌ ആണോ മിസ്സിസ്സ് ആണോ “”

“”മിസ് “”

“”അത് നന്നായി ഞാൻ ബാച്ചിലർ ആണ് “

എന്റെ ദേവി ഈ മനുഷ്യനു അപ്പൊ ഇതാണ് പണി സുന്ദരിപെണ്ണുങ്ങൾ ആയി ചാറ്റിങ് വെറുതെ അല്ല തന്നോട് അകലം എന്തെങ്കിലും ചെയ്തില്ലെങ്കിൽ താനും മോളും ഒരു വഴിയാകും

ഇത് ഇങ്ങിനെ വിട്ടാൽ പറ്റില്ല.. ഇല്ലാത്ത കാര്യം പറഞ്ഞ് കുറച്ച് കാശ് അടിച്ചു മാറ്റണം. ഇങ്ങേരുടെ പൈസ എങ്ങിനെയാ പോകുന്നത് നോക്കാലോ.

അവൾ സമയം കണ്ടെത്തി അവനുമായി ചാറ്റ് തുടർന്നു… പരസ്പരം സംസാരിക്കാൻ ശ്രമിച്ച പ്പോഴും അവൾ മനപ്പൂർവ്വം ഒഴിഞ്ഞു മാറി ..ചാറ്റിങ്ങിൽ കൂടെ രമേശൻ അവളോട്‌ വല്ലാതെ അടുത്തു അവനു അവളെ കാണാൻ ധൃതി ആയി ഒരു ദിവസം രമേശൻ അവളെ വിളിച്ചു..

“”അലീന എനിക്കൊന്നു ഒരു രാത്രി നിന്നെ വേണം എന്തു വേണമെങ്കിലും തരാം പൈസയേ കുറിച്ച് പരിഭമിക്കേണ്ട. പറയുന്ന പൈസ തരാം””

ഇതു തന്നെ അവസരം സുധക്കു തോന്നി ആദ്യമൊക്കെ അവൾ ഒഴിഞ്ഞു മാറിഅവൻ വിടാൻ ഭാവമില്ല അവസാനം അടുത്ത ആഴ്ച രമേശൻ പറയുന്നഹോട്ടലിൽ അവൾ ചെല്ലാമെന്നേറ്റു.

അങ്ങനെ ആ ദിവസം വന്നെത്തി അന്നു ശനിയാഴ്ച ആയതിനാൽ പിറ്റേന്ന് ഞായർ ആയതിനാൽ ഒഴിവു ആണ്. അലീന യെ അങ്ങനെ പെട്ടന്ന് പറഞ്ഞു വിടാതെ പറ്റിയാൽ അവളെയും കൊണ്ടൊന്നു ചുറ്റിയടിക്കണം രമേശൻ മനസിൽ പ്ലാൻ ചെയ്തു..

അവനാകെ ഉത്സാഹത്തിൽ ആയിരുന്നു ഇതെല്ലാം കണ്ടു സുധ ഉള്ളിൽ ചിരിച്ചു

വൈകുന്നേരമായി രമേശൻ സുന്ദരകുട്ടപ്പൻ ആയി പോകാൻ പുറപ്പെട്ടു..

“”എടി ഞാനിന്നു വരില്ല തിരുവനന്തപുരം വരെ പോണം നാളെ ബാങ്കിന്റെ മീറ്റിങ്ങാ വാതിലടച്ചു കിടന്നോ പിന്നെ നിന്നെ രാത്രി വാട്സാപ്പിൽ കാണരുത് പറഞ്ഞോക്കാം കേട്ടല്ലോ “”

“”ഏട്ടാ ഞാൻ കൂടെ വരട്ടെ തിരുവനന്തപുരം എത്ര കാലം ആയി ഒന്ന് പുറത്തു പോയിട്ട് “”

“”വേണ്ട നിന്നെയും കെട്ടി എഴുന്നെള്ളാൻ എനിക്കു വയ്യ ഈ ശരീരം കണ്ടാൽ തന്നെ ആളുകൾ ചിരിക്കും “”

അവൾക്കു അത് കേട്ടു വല്ലാത്ത സങ്കടം തോന്നി എന്നിട്ട് അവൾ ഉള്ളിൽ പറഞ്ഞു മോനെ രമേശാ ഇന്ന് കാണാം ബാക്കി കളി

രമേശൻ പോയി കഴിഞ്ഞു അതിനു പിന്നാലെ സുധയും ഇറങ്ങി അവളുടെ മനസിൽ താൻ വിചാരിച്ചപോലെ തന്നെ കാര്യങ്ങൾ മുന്നോട്ടു പോയതിൽ സന്തോഷമായി നേരത്തേ തീരുമാനിച്ച ഹോട്ടലിൽ രമേശൻ അലീനയെയും കാത്തിരുന്നു..

ഹോട്ടൽ റൂമിൽ വരാൻ പോകുന്ന നിമിഷങ്ങൾ ഓർത്തു സന്തോഷവനായി മൂളിപ്പാട്ടും പാടി രമേശൻ അലീനയെ കാത്തിരുന്നു അല്പം കഴിഞ്ഞു വാതിലിൽ മുട്ട് കേട്ടു അവളെത്തിയിരിക്കുന്നു. അവൻ വേഗം പോയി വാതിൽ തുറന്നു മുന്നിൽ നിൽക്കുന്ന സുധയെ കണ്ടു അവനൊന്നുഞെട്ടി..

“”സുധാ നീ എന്താ ഇവിടെ “”

“”എന്താ ഏട്ടാ മിഴിച്ചു നോക്കുന്നെ ഞാൻ തന്നെ അലീന “” അതു കേട്ടു ഒന്നുകൂടി അവൻ ഞെട്ടി

“”അപ്പോൾ “”??

“‘അതെ ഞാൻ തന്നെ ഏട്ടന്റെ ഒഴിവാക്കൽ കണ്ടു മനം മടുത്തു ചെയ്തത് ഇതായിരുന്നു പണി അല്ലെ എന്റെ ഫോട്ടോ വാട്സാപ്പിൽ വരുന്നതിനേക്കാൾ ഏട്ടൻ ചെയ്തത് തെറ്റ് അല്ലെ “”

അവനാകെ വിളറി വെളുത്തു തല കുനിച്ചു നിന്നു

“സുധ എന്നോട് ക്ഷമിക്കണം ഇനിയൊരിക്കലും നിന്നെ ഞാൻ മോശമായി പറയില്ല “”

.അവൻ കാലിൽ അവളുടെ വീണു മാപ്പു പറഞ്ഞു

“”.രമേശേട്ടാ എനിക്ക് ദേഷ്യം ഒന്നുമില്ലട്ടോ…എന്‍റെ രമേശേട്ടനെ എനിക്ക് തിരിച്ചു കിട്ടിയല്ലോ””

അവൾ കരഞ്ഞു കൊണ്ട് പറഞ്ഞു.പ്രതീക്ഷിക്കാതെ അവളിൽ നിന്നു സ്നേഹത്തോടെ ഉള്ള വാക്കുകൾ കേട്ടപ്പോൾ അവന്‍റെ നിയന്ത്രണം വിട്ടു. രമേശൻ അവളെ നെഞ്ചോട് ചേർത്ത് കെട്ടിപിടിച്ചു കൊണ്ട് കരഞ്ഞു പറഞ്ഞു.

“”സുധാ മാപ്പ് എനിക്ക് പറ്റി പോയതാ എന്നോട് നീ ക്ഷമിക്കില്ലേ ഇനിയൊരിക്കലും നിന്നോട് തെറ്റ് ചെയ്യില്ല “”

അന്നത്തോടെ അവൻ ഫേസ്ബുക് ഒഴിവാക്കി പിന്നെ ഒരിക്കലും അവൻ വേറെ പെണ്ണിനെ തേടിപ്പോയിട്ടില്ല..അവരുടെ ദാമ്പത്യ ജീവിതം അന്നുമുതൽ വളരെ സന്തോഷം നിറഞ്ഞു ശാന്തമായൊഴുകി….

കുറവുകൾ അറിഞ്ഞു കൊണ്ട് പെരുമാറാൻ സാധിക്കുമ്പോൾ ആണ് ദാമ്പത്യജീവിതം സുന്ദരമാകുന്നത്..